English French German Macedonian

Нови книги

подготвува Фатма Бајрам Аземовска

“Бојата на времето“

PDFПечатиЕ-пошта

( 0 Гласа )

„Бојата на времето“ жанровски ѝ припаѓа на научната фантастика.
Симјаноски е еден од ретките македонски писатели кој објавува дела од областа на научната фантастика, а романот „Бојата на времето“ може да се смета за неговото најквалитетно и најкомплексно структурно и тематски оформено дело од областа на овој жанр.

Читај повеќе: “Бојата на времето“

 

„Биглино“

PDFПечатиЕ-пошта

( 0 Гласа )

Првиот впечаток што се наметнува при читањето на книгата „Биглино”, од Ило В. Гајтаноски е дека таа и припаѓа на оној тип прози какви што се „Приказните од старата воденичка” од Алфонс Доде – силно врежани сеќавања во зборовите и душата на раскажувачот, во кои деталите, лицата, миризмите и боите пливаат низ родниот предел.
Биглино има повластено место во авторовата сентиментална топографија во која реалистичното и поетичното се преплетуваат преку впечатливата јазична свежост и изворност.

Читај повеќе: „Биглино“

   

„Експеримент 51“

PDFПечатиЕ-пошта

( 0 Гласа )

Додека ја читате книгата имате чувство дека гледате филм! - ова е најчестата реакција на читателите за романот „Експеримент 51“, првенче на македонскиот автор Методија Диневски. Оваа возбудливо четиво ќе ве поведе на патување во античко време. Роман е исполнет со голем број на факти и докази кои алудираат на тоа дека ние сме експеримент на туѓа цивилизација.

 

„Добро утро Јаков“

PDFПечатиЕ-пошта

( 0 Гласа )

Во светот за кој говори романот „Добро утро Јаков“, по дефиниција, нема место за невините. Не само затоа што политиката е домен во кој не може да има невини, ами и зашто, и теоретски, но и практично, во неа царуваат двојствата: двојни принципи и стандарди, дволични постапки и карактери, двосмислени потези и искажувања, безбројни двоумења, подвојувања..
Во „Добро утро Јаков“, играта на двојствата, започната во „Портрет од Дрезден“, станува посложена. Не само на формален план, преку повторување на конкретни дејства или ситуации, ами и според неговата ономастичко-семантичка структура. Личните имиња делумно исчезнале, небаре се непотребни белези, за да им го отстапат местото на означувањата или, условно кажано, на прекарите, кои може да ни дадат многу повеќе информации за ликовите.

Читај повеќе: „Добро утро Јаков“

   

„Ќерките на Рим“

PDFПечатиЕ-пошта

( 0 Гласа )

Бурната 69-та година, во историјата позната како „година на четирите цареви“, ќе промени многу нешта во Римското царство, а особено ќе влијае врз животите на четири жени, лично поврзани со судбината на Рим. Едната од нив, Корнелија, отмена и амбициозна жена, претставува олицетворение на совршена римска сопруга која живее за денот кога нејзиниот верен сопруг ќе стане цар. Нејзината сестра Мерсела ја одбрала улогата на непристрасен набљудувач на случувањата кои ќе доведат до крвавиот пресврт што ќе им го смени животот.

Читај повеќе: „Ќерките на Рим“

 

„Чест“

PDFПечатиЕ-пошта

( 0 Гласа )

Две сестри близначки се раѓаат во едно традиционално курдско село, во кое најголемиот чеиз на жената се нејзината чистота и покорност. Животот ги носи по различни патишта – Џамила останува бабица во родниот крај, а Пембе „по грешка“ се мажи за да го види светот. Нејзините деца го бараат своето место под лондонското сонце: седумгодишниот Јунус се здружува со панкерите сквотери, бунтовната Есма се бори против родовата нееднаквост, а најстариот Искендер станува глава на семејството откако татко им ги напушта. Заробено во стегите на минатото и традицијата, целото семејство е неповратно урнисано поради едно морничаво злосторство – убиство од чест.

Читај повеќе: „Чест“

   

„Четириесет правила на љубовта“

PDFПечатиЕ-пошта

( 0 Гласа )

Во својот заводлив лиричен роман Четириесет правила на љубовта, светски познатата турска авторка Елиф Шафак ни ткае две паралелни приказни – едната современа а другата историска – и преку „четириесетте правила на љубовта“ ни ја доближува древната суфистичка филозофија што се заснова на единството на сите народи и вери и присуството на љубовта во секој од нас.
Ела Рубинстајн е четириесетгодишна несреќно омажена домаќинка што добива ангажман да прочита и да напише извештај за Слатко безбожништво – историски роман за судбоносната средба на исламскиот учител Руми и неговиот духовен водач, ексцентричниот дервиш скитник познат како Шемс од Тебриз. Притисната од личните проблеми, но и заинтригирана од мистериозниот автор Азиз З. Захара - фотограф, светски патник и суфист, таа започнува да се допишува со него.

Читај повеќе: „Четириесет правила на љубовта“

 

„Агриџенто“

PDFПечатиЕ-пошта

( 0 Гласа )

ДОБИТНИК НА ЕВРОПСКАТА НАГРАДА ЗА ЛИТЕРАТУРА
Што може да се случи кога во градот Агриџенто на Сицилија ќе се сретнат неколку необични судбини? Еден несекојдневен лекар – кој се нурнува во историјата на антички Акрагант, а кого што на тоа патување го води големиот филозоф Емпедокле, син на тој град. Неговата ќерка Изабела, сликарка што трага по ослободување, но не во уметноста туку во непредвидливата судбина. И еден Грк кој одбира бегство и враќање кон својата прва љубов за да се спаси од презаситеноста и здодевноста на животот.

Читај повеќе: „Агриџенто“

   

„Чиракот на архитектот“

PDFПечатиЕ-пошта

( 0 Гласа )

Заедно со необичниот дар за султанот, во отоманската престолнина пристигнува и малиот Џахан, кој го има само Чота, мудар и редок бел слон. Како скротувач во царската менажерија, тој се спријателува со султановата ќерка Михрима и се вљубува во неа. По игра на судбината, момчето го запознава главниот царски архитект Синан, кој го зема под своја закрила, и заедно со слонот ги создаваат највеличествените градби во историјата. Но додека ги градат овие ремек-дела, меѓу четворицата чираци на мајсторот се јавува завист, а под површината се насетуваат опасни струи...

Читај повеќе: „Чиракот на архитектот“

 

„Таму каде што припаѓаме“ - Емили Гифин

PDFПечатиЕ-пошта

( 4 Гласа )

Емили со овој роман само ја потврдува својата позиција на современа Џејн Остин. Со начинот на кој го проткајува својот текст преку хумор, искреност, оригиналност и со коментарите за современиот живот повторно го враќа на сцената, женскиот роман, но со модерен пресврт. И самата Џејн Остин сигурно би уживала читајќи го.

   

„Ластовиците од Кабул“ - Јасмина Кадра

PDFПечатиЕ-пошта

( 0 Гласа )

Јавното каменување среде Кабул на една осуденичка, уште и закопана во земја до половината, ја започнува исконската дилема за виновниците и судиите...

 

„Човекот од маглата“ - Донато Каризи

PDFПечатиЕ-пошта

( 0 Гласа )

Ноќта во која се се промени засекогаш беше ладна и магличава, во гратчето скриено меѓу сенките на Алпите. Можеби токму поради таа магла автомобилот на специјалниот агент слета од патот. Тој е во шок - не се сеќава зошто е тука каде што е, ниту пак, како стасал дотаму. Сепак, едно е сигурно: требаше да биде на некое друго место, далеку одовде...

   

„Никогаш не свртувај го погледот“ - Линвуд Баркли

PDFПечатиЕ-пошта

( 0 Гласа )

Заплетот започнува со еден излет во забавен парк. Дејвид Харвуд се надева дека безгрижниот ден со нивниот мал син ќе и помогне на жена му Џен да се ослободи од депресијата што ја чувствува во последно време. Меѓутоа Џен исчезнува. Никој не може да ја најде - а бидејќи полицијата не наоѓа докази дека таа воопшто била во паркот, приказната на Дејвид почнува да звучи сомнително. За да докаже дека е невин и да спречи да го одведат син му, Дејвид мора да се соочи со застрашувачка можност: некој е подготвен да ги уништи него и неговото семејство за да зачува една ужасна тајна...

 

„Девојката од Бруклин“ - Гијом Мисо

PDFПечатиЕ-пошта

( 3 Гласа )

Ѓаволски добар заплет, неодоливи јунаци и напнатост што расте со секоја страница.
Јасно се сеќавам на тој последен момент на среќа. Бевме загледани во морето, додека хоризонтот се пресликуваше, Ана ми постави прашање:
„Дали ќе ме сакаш ако дознаеш дека сум направила нешто страшно?“
Како би одговориле Вие?
Ана е љубовта на мојот живот. Треба да се венчаме за три недели. Секако дека ќе ја сакам, што и да направила. Барем така мислев, но таа нервозно пребаруваше низ торбата, извади таблет, ми покажа фотографија на екранот, „Тоа јас го направив“.
Гледав во нејзината тајна, шокиран, свесен дека нашите животи повеќе никогаш нема да бидат исти. Зашеметен станав и заминав без збор. Кога се вратив беше предоцна. Ана исчезна. И оттогаш не престанав да ја барам.

   

„Смила“ - Петер Хег

PDFПечатиЕ-пошта

( 0 Гласа )

Романот „Смила го чувствува снегот“ од данскиот писател Петер Хег во превод на Лара Крстева- Ичокаева, излезе од печат во издание на Издавачката куќа „Антолог“ од Скопје.
Романот објавен 1992 година, се смета за еден од најфасцинантните трилери на сите времиња, а на Хег му донесе светска слава. По овој бестселер е снимен и филм во 1997 година, со Џулија Ормонд и Габриел Брн во главните улоги. Веднаш по објавувањето од многумина бил прогласен за книга на годината, меѓу кои и списанијата „Тајм“ и „Пипл“. До денес романот е продаден во над 20 милиони примероци низ светот.
Смила Јесперсен, половина Данка, половина Гренланѓанка, се обидува да ја растајни чудната смрт на едно момченце што паѓа од врвот на зградата во која таа живее.

Читај повеќе: „Смила“ - Петер Хег

 

„Шпионка“ -Пауло Коелјо

PDFПечатиЕ-пошта

( 1 Глас )

Во својот нов роман, Пауло Коелјо оживува една од најмистериозните жени во историјата: Мата Хари.
Кога пристигнала во Париз, Мата Хари немала ни скршена пара. Сепак, наскоро почнале да ја величаат како најелегантната дама во градот. Танчaрка која ја шокирала и восхитувала публиката; љубовница и куртизана која ги маѓепсувала најбогатите и најмоќните мажи на тоа време.
Но како што се зголемувала паранојата во земјата заплеткана во војна, животниот стил на Мата Хари почнал да буди сомнежи. И така, во 1917 година, таа била уапсена во својата хотелска соба на Шанзелизе и била обвинета за шпионажа.
Раскажана преку последното писмо на Мата Хари, Шпионка ја разоткрива незаборавната приказна за една жена која се осмелила да ги прекрши правилата на однесување на своето време и која за тоа ја платила највисоката цена.

   

„Во една мрачна, мрачна шума“ - Рут Веар

PDFПечатиЕ-пошта

( 0 Гласа )

НЕКОИ МОМИНСКИ ЗАБАВИ СЕ ЛОШИ, НО ОВАА Е УБИСТВЕНА! Леонора, некому позната како Ли, на другите како Нора, е изолиран писател на крими романи кој одбива да го напушти своето „гнездо“, освен ако не е апсолутно неопходно. Кога пријателката со која не зборувала, ниту ја видела со години ќе ја покани Нора (Ли) на викенд во морничава, стаклена куќа, скриена длабоко во темната шума, таа неволно се согласува да замине.

Читај повеќе: „Во една мрачна, мрачна шума“ - Рут Веар

 

„Мојата генијална другарка“ - Елена Феранте

PDFПечатиЕ-пошта

( 1 Глас )

Моќна и длабока приказна за доживотното женско пријателство и ривалство.
Приказната ja раскажува шеесетгодишната Елена која, соочена со мистериозното исчезнување на својата другарка Лила, решава да го овековечи секој детаљ од нивното заедничко минато. Растејќи во сиромашното неаполско маало во 50-тите, на суровите улици и во школските клупи, двете девојчиња учат да се потпираат една на друга пред сите детски стравови и предизвици.

Читај повеќе: „Мојата генијална другарка“ - Елена Феранте

   

„Каде е Елизабет“ - Ема Хили

PDFПечатиЕ-пошта

( 0 Гласа )

Старата госпоѓа Мод постепено го губи помнењето, со тоа и контролата над секојдневниот живот. Сепак, не прифаќа да ја заборави својата најдобра другарка Елизабет, убедена дека исчезнала и дека е во страшна опасност. Но никој не сака да ја слуша Мод – ниту нејзината огорчена ќерка Хелен, ниту негувателките, ниту полицијата, а особено не Питер, користољубивиот син на Елизабет. Наоружана со белешките што си ги испишува самата на себе – нејзината хартиена меморија – како и со несовладливото претчувство дека на Елизабет ѝ е потребна нејзината помош, Мод се обидува да ја разоткрие вистината и да ја спаси саканата пријателка. Оваа опсесија станува темел на уништената сегашност на Мод.

Читај повеќе: „Каде е Елизабет“ - Ема Хили

 

„Господарот“ - Колм Тојбин

PDFПечатиЕ-пошта

( 1 Глас )

Трогателна приказна за еден живот растргнат меѓу нереализираната љубов и осамената посветеност на прозата.
Романот Господарот на Колм Тојбин ги опфаќа клучните животни епизоди на еден од најголемите писатели на XX век, Хенри Џејмс, и мајсторски го проектира психолошкиот портрет на авторот на Свртување на завртката и Портрет на една дама. Во јануари 1895 година Хенри Џејмс ја очекува сценската поставка на својата прва драма Гај Домвил во Лондон.

Читај повеќе: „Господарот“ - Колм Тојбин

   

Страница 1 од 21

Сподели на Facebook
Банер
Банер
Банер
Банер
Банер
Банер
Банер
Банер
Банер
Банер
Банер
Банер